غزہ : نہتے فلسطینیوں کے خلاف اسرائیلی مظالم کا سلسلہ جاری ہے، تازہ حملوں میں مزید چھ فلسطینی شہید ہوگئے۔
غزہ میں نہتے فلسطینیوں کے خلاف اسرائیلی جارحیت رکنے کا نام لے رہی۔ اسرائیلی وزیراعظم نتن یاہو نے ایک بار پھرڈھٹائی کا مظاہرہ کرتے ہوئے کہا ہے کہ غزہ میں بھرپورحملے جاری رکھے جائیں گے۔
اسرائیلی فوج نے غزہ پر بانوے فضائی حملے کئے، جن میں پانچ بچوں اورتین خواتین سمیت سترہ افراد نے جام شہادت نوش کیا۔ غزہ میں اسرائیل اور حماس کے درمیان گذشتہ بدھ کوجنگ بندی ہوئی تھی۔ قاہرہ میں فلسطینی اوراسرائیلی حکام کے درمیان بات چیت ناکام ہونے کے بعد اسرائیل نے غزہ پردوبارہ حملے شروع کردیئے ہیں۔
مصرنے جنگ بندی ختم ہونے پرافسوس کا اظہارکرتے ہوئے کہا ہے کہ وہ اسرائیل اور حماس کے درمیان صلح کرنے کی کوششیں جاری رکھے گا۔ اسرائیلی حملوں میں اب تک دوہزار سے زائد فلسطینی شہید ہوچکے ہیں، جن میں خواتین اوربچے بھی شامل ہیں۔
