غزہ : اسرائیل اور حماس کے درمیان بہتر گھنٹے کی جنگ بندی معاہدہ کے بغیر ختم ہوگئی۔
اسرائیل اور حماس کے درمیان غزہ میں تین دن سے جاری جنگ بندی کسی معاہدہ کے بغیر آج ختم ہوگئی، غزہ کی سرزمین پر اسرائیلی فوجیوں کا مکمل محاصرہ ختم نہ کرنے اور حماس کے جائز مطالبات پورے نہ ہونے پر حماس کے لیڈر نے جنگ بندی میں توسیع کرنے سے انکار کردیا۔
حماس کا کہنا ہے کہ غزہ میں اسرائیلی فوج کی ناجائز غنڈہ گردی نا قابل قبول ہے، اسرائیلی فوج کی ظالمانہ کاروائیوں کے سبب غزہ میں امدادی سرگرمیوں اور بحالی کے کاموں میں رکاوٹیں پیدا ہورہی ہیں۔
اسرائیل نے جنگ بندی ختم ہوتے ہی غزہ میں فوج کی تعیناتی شروع کردی، غزہ میں آٹھ جولائی سے شروع ہونے والی صیہونی فوج کی پر تشدد کاروائیوں میں اب تک انیس سو سے زیادہ فلسطینی شہید ہوچکے ہیں۔
Comments
- Advertisement -