تازہ ترین

فاٹا سینیٹ انتخابات روکنے ، صدر، وزیرِاعظم کیخلاف درخواست دائر

اسلام آباد: فاٹا کے سینیٹ انتخابات روکنے پر صدر، وزیراعظم کے خلاف کارروائی کے لئے الیکشن کمیشن میں درخواست دائرکر دی گئی۔

الیکشن کمیشن میں دائر درخواست میں درخواست گزار کا مؤقف تھا کہ آئین کے تحت صدر کو اختیار حاصل نہیں کہ وہ سینیٹ انتخابات روک سکے۔

درخواست میں کہا گیا ہے کہ وزیرِاعظم کی ایڈوائس پر صدر نے نوٹیفکیشن جاری کر کے آئین کی خلاف ورزی کی، درخواست گزار نے الیکشن کمیشن سے فاٹا کے انتخابات کا شیڈول فوری جاری کرنے اور صدر اور وزیرِ اعظم کیخلاف کارروائی کی استدعا کی ہے۔

واضح رہے کہ نئے صدارتی حکمنامے میں قومی اسمبلی میں فاٹا اراکین سے کہا گیا تھا کہ وہ سینیٹ الیکشن میں خفیہ رائے شماری کے ذریعے اپنی پسند کےصرف ایک سینیٹر کا انتخاب کر سکتے ہیں، صدارتی آرڈیننس میں ابہام کی وجہ سے پریزائیڈنگ افسر نےالیکشن کمیشن سےانتخابی عمل ملتوی کرنیکی درخواست کی تھی۔

الیکشن کمیشن نے فیصلے کیلئے کمیشن کا ہنگامی اجلاس بلایا، جس میں انتخابات غیر معینہ مدت کیلئے ملتوی کرنے کا فیصلہ کیا گیا، فاٹا اراکین نے صدارتی آرڈیننس کو اسلام آباد ہائیکورٹ میں بھی چیلنج کررکھا ہے۔

Comments

- Advertisement -