فٹنس اچھی ہے،جلد کم بیک کرونگا،احمدشہزاد

لاہور:اوپننگ بیٹسمین احمد شہزادوطن واپس پہنچ گئے،وہ نیوزی لینڈ کے خلاف انجری کاشکارہوکرسیریز سے باہرہوگئےتھے،احمد شہزاد کہتےہیں کوشش کریں گےتیسرے ٹیسٹ میں ٹیم کاحصہ ہوں۔

اینڈرسن کا باؤنسر مس جج کرنا احمد شہزاد کو مہنگا پڑگیا،جارح مزاج اوپنرگھائل ہوکر تین ہفتوں کیلئے میدان سے باہرہوگئے،احمد شہزاد کا وطن واپس پہنچنے پر میڈیا سے گفتگو میں کہنا تھا کہ انھیں گیند لگی توایسا لگا کہ پچیس لوگوں کو لگی ہو۔

آرام کے طبی مشورے پر احمد شہزاد کا کہنا تھا کہ تین ہفتوں کا ٹائم ڈاکٹرز نے دیا   فٹنس اچھی ہےتیسرے ٹیسٹ کیلئےکم بیک کریں گے۔

ایک سوال کے جواب میں احمد شہزاد کا کہنا تھا آسٹریلیا سے ٹی ٹوئنٹی اور ون ڈےسیریزکی ہار سے بہت کچھ سیکھا۔

Comments