چہرے کی جلد انتہائی نازک ہوتی ہے اوراس کی باقاعدہ صفائی اورحفاظت ہردورکی اور ہرخطے کی خواتین کا مسئلہ رہا ہے۔ آج ہم دنیا بھرکی خواتین کے اس پیچیدہ مسئلے کا پائیداراورکفایت شعارحل پیش کررہے ہیں۔
خواتین اپنے چہرے کی جلد کو تروتازہ اور شاداب رکھنے کے لئے کیا کیا جتن نہیں نہیں کرتیں، کتنے ہی مہنگے لوشن استعمال کرتی ہیں لیکن پھر بھی مرضی کے نتائج حاصل نہیں ہوتے۔
لیکن آپ یہ جان کر حیران رہ جائیں گی کہ آپ کے کچن میں دو ایسی چیزیں موجود ہیں جن کو استعمال کرکے آپ حاصل کرسکتے ہیں روشن اورشاداب ملائم جلد۔
جی ہاں اور یہ دو حیرت انگیز چیزیں ہیں شہد اور کھانے کا سوڈا۔
طریقۂ کار
ان دونوں اشیاء کے استعمال کا طریقہ کارانتہائی آسان ہے۔
ایک چھوٹے برتن میں ایک چائے کا چمچ شہد اورایک چائے کا چمچ کھانے کا سوڈا لیں اورانہیں آپس میں اچھی طرح مکس کرکے لیپ تیارکرلیں۔
تازہ لیپ کو اپنے چہرے اور گردن پر تہہ کی صورت میں لگائیں اور آدھا منٹ تک سوکھنے دیں۔
جب یہ لیپ ہلکا سا خشک ہوجائے تو دونوں ہاتھوں سے چہرے اور گردن کا 1 سے دو منٹ تک مساج کریں اورپھرسادہ پانی سے دھولیں۔
ایک ہفتے کے استعمال سے آپ کو واضح فرق دکھائی دے گا اور اس کا مسلسل استعمال آپ کو دے گا ایسا نکھار جو کوئی مہنگی کریم بھی آپ کو نہیں دے سکتی۔