قتل بعد اززیادتی کے مجرم کوسزائے موت دے دی گئی

ویہاڑی: سزائے موت کے ایک قیدی کی سزا پر پنجاب کے ضلع ویہاڑی میں عملدرآمد کردیا گیا۔

تفصیلات کے مطابق عبدالغفورنامی مجرم کو 1991 میں ویہاڑی کی ایک آٹھ سالہ لڑکی کے ساتھ زیادتی اور قتل کے جرم میں سزائے موت سنائی گئی تھی۔

عبدالغفور کو صدر ممنون حسین کی جانب سے رحم کی اپیل مسترد کرنے کے بعد ڈسٹرکٹ جیل ویہاڑی میں سزائے موت دی گئی۔

پاکستان میں 17 دسمبر 2014 کو آرمی پبلک اسکول پرہونے والے حملے کے ردعمل میں سزائے موت پر عائد پابندی اٹھالی گئی تھی۔

ابتدا میں صرف دہشت گردی کے مجرموں پر عائد پابندی ختم کی گئی تھی لیکن مارچ میں وفاقی حکومت نے صوبائی حکومتوں کو سزائے موت کے منتظر تمام قیدیوں کی سزاوٗں پر عملدرآ مد کرنے کا حکم دے دیا۔

Comments