قلات میں ایف سی کی کارروائی، چار دہشت گرد ہلاک

قلات : ایف سی کے سرچ آپریشن کے دوران فائرنگ کے تبادلے میں چار دہشت گرد مارے گئے۔

فرنٹیئر کور بلوچستان کے ترجمان کے مطابق قلات کے علاقے منگوچر کے دشوار گزار مقام پر شرپسندوں کے خلاف سرچ آپریشن کیا جارہا تھا کہ وہاں موجود مسلح افراد کا ایف سی کے ساتھ فائرنگ کا تبادلہ ہوا جس کے نتیجے میں چار شرپسند ہلاک ہوگئے۔

دہشت گردوں کے قبضے سے بھاری تعداد میں خودکار ہتھیار برآمد کرلئے گئے جبکہ سرچ آپریشن کے دوران شرپسندوں کے کمین گاہوں سے 5کلوبارود،150راکٹ اور1500ڈیٹونیٹرزقبضے میں لے لئے گئے، جنہیں بعد میں تباہ کردیا گیا۔

کارروائی میں ایف سی کو وزارت داخلہ کے ہیلی کاپٹر کے مدد کی بھی حاصل تھی ، آئی جی ایف سی میجر جنرل شیرافگن نے کہا ہے کہ شرپسندوں کا آخر تک اور ہرجگہ پر تعاقب کیا جائے گا صوبے میں امن و امان کا قیام اولین ترجیح ہے۔

Comments