اسلام آباد: وزیرِاعظم نواز شریف ملکی صورتحال پر غور اور اب تک کی کامیابیوں کے حوالے اہم اجلاس کی صدارت آج کریں گے۔
ملک میں جاری دہشتگردی کے خاتمے کی مہم قومی ایکشن پلان پر عملدرآمد کا جائزہ لینے کیلئے وزیرِاعظم نے صوبائی وزرائے اعلیٰ کو طلب کرلیا ، اجلاس میں آرمی چیف اور ڈی جی آئی ایس آئی کی شرکت بھی متوقع ہے۔
اجلاس میں صوبائی سیکرٹریز اور اعلیٰ عہدیدار بھی شرکت کریں گے۔
اجلاس کے شرکاء قومی لائحہ عمل پر عملدرآمد کا جائزہ لیں گے جبکہ ملک کی مجموعی سیاسی صورتحال اور امن وامان پر بھی غور کیا جائے گا، اجلاس میں صوبائی حکومتوں کو قومی ایکشن پلان پر اب تک کئے گئے اقدامات سے آگاہ کیا جائےگا ۔
زرائع کے مطابق وزرائے اعلیٰ اپنے اپنے صوبوں میں ایپکس کمیٹیوں کے اجلاسوں پر بریفنگ دیں گے اور فوجی عدالتوں کے قیام اور تعداد کے حوالے سے تجاویز بھی پیش کریں گے۔
