پاکستان تحریک انصاف نے مہنگائی کے خلاف لاہور میں احتجاجی ریلی کے انتظامات مکمل کرلیے ہیں۔
ریلی کا آغاز دوپہر بارہ ناصر باغ سے ہوگا جو کہ مال روڈ سے گزرتی ہوئی پنجاب اسمبلی کے سامنے چیئرنگ کراس تک جائے گی۔ ریلی کی قیادت تحریک انصاف کے چیئرمین عمران خان خود کریں گے جو ریلی کے ساتھ ناصر باغ سے چلتے ہوئے چیئرنگ کراس آکر کارکنوں سے خطاب کریں گے۔
تحریک انصاف کے رہنماؤں کے مطابق انہوں نے ضلعی حکومت کو احتجاجی ریلی کی پیشگی اطلاع دے دی گئی تھی تاہم پنجاب حکومت کی ایما پر ریلی کو روکنے کی کوششیں کی جارہی ہیں دوسری جانب تحریک انصاف آج ہی اسلام آباد میں ڈی چوک پر بھی احتجاجی مظاہرہ کرے گی۔
Comments
- Advertisement -
