صوبائی دارلحکومت لاہورمیں شوکت خانم اسپتال کے قریب معروف ادیب اور ڈرامہ نگار اصغر ندیم سید کو نامعلوم افراد نے فائرنگ کر کے شدید زخمی کر دیا، پولیس نے دو نامعلوم افراد کے خلاف مقدمہ درج کر لیا۔
شوکت خانم اسپتال کے قریب اصغر ندیم سید گاڑی خود چلا رہے تھے، اچانک دو موٹرسائیکل سواروں نے ان پر اندھا دھند فائرنگ کر دی جس سے وہ زخمی ہو گئے، انہیں زخمی حالت میں ڈاکٹرز اسپتال منتقل کیا گیا، واقعہ کے بعد سی سی پی او لاہور سمیت اعلی پولیس آفیسرزاطلاع ملتے ہی اسپتال پہنچ گئے۔
سی سی پی او لاہور کا کہنا تھا کہ اصغر ندیم سید کی حالت خطرے سے باہر ہے تاہم ہماری اولین ترجیح انکا علاج ہے تفتیش کے بعد پتہ چلے گا کہ ان پر حملے کی کیا وجوہات تھیں۔
ڈاکٹروں کے مطابق ندیم اصغر کو ایک گولی کمر کے پیچھے اور ایک بازو میں لگی انہیں آئندہ دوہ روز تک اسپتال سے ڈسچارج کر دیا جائے گا، پولیس تھانہ نواب ٹاؤن نے دو نامعلوم موٹرسائیکلوں کے خلاف 324 اور 780اے سمیت دیگرسنگین نوعیت کی دفعات کے تحت مقدمہ درج کر کے تفتیش شروع کر دی ہے۔
