لندن: اسکاٹ لینڈ یارڈ نے منی لانڈرنگ کے الزام میں ایک پاکستانی نژاد برطانوی شہری کو گرفتارکرلیاہے۔
تفصیلات کے مطابق 64 سالہ شخص کو اسکاٹ لینڈ یارڈ نے تفتیش کے لئے طلب کیا تھا اور وہیں اس کو حراست میں لیا گیا ہے۔
اسکاٹ لینڈ یارڈ نارتھ ویسٹ لند ن میں واقع اس شخص کے گھر کی تلاشی بھی لے رہی ہے۔
ذرائع کا کہنا ہے کہ اس کیس میں کل پانچ افراد ملوث ہیں جن میں سے دو افراد کو 5 دسمبر 2013 کو گرفتار کیا گیا تھا جبکہ ایک 61 سالہ شخص سال 2014 میں گرفتار کیا گیا ۔
مزید دو افراد اس کیس میں پہلے سے ضمانت پر ہیں۔
برطانیہ میں منی لانڈرنگ ایک انتہائی سنگین جرم ہے اور اس میں عمر قید تک کی سزا دی جاسکتی ہے۔
Comments
- Advertisement -