لیبیا:تارکین وطن کی کشتی ڈوبنے سے خدشہ ہےکہ چارسو سے زائد تارکین وطن ہلاک ہوگئےجبکہ ایک سو چوالیس کو ریسکیو کرلیا گیا۔
غیر ملکی خبر رساں ادارے کے مطابق کشتی میں لیبیا سے یورپ جانے کے خواہشمند پانچ سو سے زائد مسافر سوار تھے جن میں سے ایک سو چوالیس افراد کو ریسکیوکیےجانے کے بعد اٹلی کی بندرگاہ لایا گیا۔
ریسکیو حکام کے مطابق تارکین وطن میں زیادہ تر کا تعلق مشرق وسطٰی اور افریقہ سے ہے۔اٹلی نے ڈوب جانے والےمسافروں کی تلاش کے لیے فضائی اور سمندری آپریشن شروع کردیا ہے۔
اس سے قبل چار سو اسی تارکین وطن سمندر میں ڈوب کر ہلاک ہوچکے ہیں جبکہ چار ہزار سے زائد افراد کو ریسکیو کیا گیا۔مشرق وسطی اور افریقی ممالک میں کشیدہ صورتحال کے باعث غیر قانونی طور پریورپ جانے والے تارکین وطن کی شرح میں اضافہ ہوا ہے۔
Comments
- Advertisement -
