مانچسٹر: برطانوی جنگی طیاروں نے قطر ائیرویز کے مسافر طیارے کو حصار میں لے کرمانچسٹر ائیرپورٹ پر لینڈ کرادیا۔
برطانوی جنگی طیاروں نے مشتبہ بم ڈیوائس کی اطلاع پر قطر ائیر ویز کے مسافر طیارے کیو آر23 کو حصار میں لے کر مانچسٹر ائیر پورٹ پر لینڈ کرا دیا، برطانوی حکام کا کہنا ہے کہ یہ کارروائی مسافر طیارے کے پائلٹ کی درخواست پرکی گئی، طیارے کی ہنگامی لینڈنگ سے قبل مانچسٹر ائیر پورٹ کے فلائٹ آپریشن کو وقتی طور پرمعطل کردیا گیا۔
برطانوی پولیس کے مطابق طیارے سے ایک شخص کو حراست میں لے کر ائیرپورٹ کے فلائٹ آپریشن کو پروازوں کیلئے دوبارہ بحال کردیا گیاہے،قطر ائیر ویز کے ترجمان کے مطابق مسافر طیارہ دوحہ سے مانچسٹر کی جانب ہی رواں دواں تھا جس میں دوسو انہتر مسافروں سمیت عملے کے تیرہ افراد موجود تھے۔
Comments
- Advertisement -
