تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

مختلف شہروں میں بارش،موسم خوشگوار، کراچی ہواؤں کی زد میں

کراچی + لاہور + سوات : ملک بھر کا موسم دلفریب ہوگیاہے، بارشوں نےلاہورسمیت پنجاب کے مختلف شہروں کاماحول خوشگوار بنارکھا ہے، کراچی بھی ہواؤں کی زد میں ہے۔ جبکہ ملک کے مختلف حصوں میں بارش اور ہواؤں سے موسم دلفریب۔ کہیں برکھارت، تو کہیں ہواؤں کے ساتھ آسمان پر کالے بادل آ گئے۔

پشاور، لکی مروت سمیت خیبرپختونخوا میں بھی ابر کرم جم کر برسا، تو ٹھنڈ میں اضافہ ہوا۔ لاہور میں رم جھم برسی تو شہریوں کے چہرے کھل اٹھے ۔ پتوکی میں ہلکی بارش نے سردی کو بڑھادیا۔  جیکب آباد اور کشمور میں موسلا دھار بارشوں کا سلسلہ جاری ہے۔

کراچی بھی گرد آلود ہواؤں کی زد میں ہے، جس سے لوگ پریشان ہوئےاور چھٹی کے دن جاتی سردی کے مزے لینے پکنک پوائنٹس پر پہنچ گئے ۔

محکمہ موسمیات نے کل تک ملک بھر میں بارش کا سلسلہ ختم ہونے کی پیشگوئی کی ہے،علاوہ ازیں جاتی سردی رکی تو بالائی علاقوں میں برفباری نے زور پکڑ لیا، چترال اور ملکہ کوہسار میں جاری برفباری نے موسم ٹھنڈا کردیا۔ سوات میں سیاحوں کا رش لگ گیا۔

برف کے گالوں نے موسم ٹھنڈا کر دیا۔ بالائی علاقوں میں سیاحوں کا رش لگا ہے، برفباری رج کرہورہی ہے۔ حسین نظارے مزید خوبصورت ہوگئے، چترال میں برفباری نے لوگوں کو خوش کردیا ، لوواری ٹاپ پربھی کئی انچ تک برف جمی ہے۔

ملکہ کوہسار مری کے خوبصورت مناظر کو برف کے موتیوں نے اپنی آغوش میں لے لیا۔ نتھیا گلی میں بھی وقفے وقفے سے برفباری ہورہی ہے ، جس سے لوگوں کے مزے آگئے تو کہیں بجلی کی آنکھ مچولی نے لوگوں کو پریشان کردیا ہے۔

ایبٹ آباد ، سوات کالام اور مالم جبہ میں بھی برفباری زوروں پرہے۔ مالم جبہ میں اسنو فائٹنگ سے سیاحوں کا مزہ  دوبالاہوگیا ہے۔

مالم جبہ کی برف پوش وادیوں میں رنگارنگ اسنو فیسٹیول سجایا گیا۔ سیاحوں کی بڑی تعداد نےفیسٹیول کوچارچاندلگائے۔ ہر طرف برف کے حسین نظارے ہیں، ملک میں سیاحت کے فروغ کے لئے مالم جبہ میں اسنوفیسٹیول منعقدہوا۔ مختلف علاقوں سے آئے سیاحوں نے برفباری اورفیسٹیول کوبہت انجوائے کیا۔

ٹیبلوزنے بھی فیسٹیول کی رونق میں خُوب اضافہ کیا۔ اسکنگ ٹورنامنٹ میں مقامی کھلاڑیوں نے اپنے فن کازبردست مظاہرہ کیا۔

مہمان خصوصی ڈی سی سوات محمود اسلم وزیر نے اس موقع پرکہاکہ ہرسال اس طرح کے فیسٹیول کے انعقاد سے سیاحت کوفروغ مل رہاہے۔ فیسٹیول کاانعقاد عورت فاؤنڈیشن، مالم جبہ ڈویلپمنٹ آرگنائزیشن اورپاک فوج کے زیرِاہتمام کیاگیا۔

Comments

- Advertisement -