مردان میں بابا غازی شاہ کے مزار کے احاطے میں فائرنگ سے دو افراد جاں بحق ہوگئے، پشاورمیں پولیس چیک پوسٹ پردہشت گردوں کے حملے کو ناکام بنادیا گیا۔
مردان میں غازی بابا کے مزارکے احاطے میں دو خدمت گاروں کو نامعلوم افراد نے فائرنگ کرکے قتل کردیا، سنی اتحاد کونسل کے چیئرمین صاحبزادہ حامد رضا نے قتل کی مذمت کرتے ہیں ہوئے کہا کہ مزارات پر حملے ناقابل برداشت ہیں، حکومت قاتلوں کو فوری طور پر گرفتار کرے۔
دہشت گردوں کے خلاف قانون نافذ کرنے والے اداروں کے ساتھ عوام بھی اٹھ کھڑے ہوئے، ہنگو میں اسکول کے طالب علم اعتزاز حسن نے اسکول میں داخل ہونے والے خود کش حملہ آور کو روک کر حملہ ناکام بنادیا اور اپنی جان دیکراسکول کے سیکڑوں بچوں کی جانیں بچالیں۔
دوسری جانب پشاور کے نواحی علاقہ سر بند میں پولیس نے منطور شہید چوکی پر دہشت گردوں کا حملہ ناکام بنا دیا، پولیس کی فائرنگ سے ایک دہشت گرد ہلاک جبکہ باقی حملہ اوار پسپا ہوگئے، پولیس کی ابتدائی رپورٹ کے مطابق حملہ آوروں کی تعداد 20 سے 25 کے درمیان تھی اور علاقہ غیر سے پشاور میں داخل ہوئے تھے۔
