لاہور: ہائیکور ٹ نے مریم نواز کی بطور چیئر پرسن یوتھ لون اسکیم تعیناتی کے خلاف دائر درخواستیں نمٹا دیں۔
جسٹس منصور شاہ نے کیس کی سماعت کی، وفاق کے وکیل نے بتایا کہ مریم نوازعہدے سے مستعفی ہوچکی ہیں لہذا اب درخواستیں غیر موثر ہیں، وفاقی وکیل نے مریم نواز کے استعفے کی نقل بھی عدالت میں پیش کی، عدالت نے قرار دیا کہ مریم نواز کا استعفی دانشمندانہ فیصلہ ہے ، عوامی پیسے کا معاملہ ہے، شفافیت کواولیت دی جانی چاہیے۔
امید ہے وزیرِاعظم آئندہ تعیناتی میرٹ پر کریں گے، درخواست گزاروں کا مؤقف تھا کہ مریم کی تعیناتی سیاسی بنیادوں پر خلاف قانون کی گئی ہے، عدالت نے تعیناتی پر نظر ثانی کے لیے حکومت کو آج تک کی مہلت دے رکھی تھی۔
عدالت نے قرار دیا کہ اگر حکومت نے مریم ناز کی جگہ کسی دوسرے شخص کو تعینات نہ کیا گیا تو اس حوالے سے عدالت فیصلہ دے گی۔
Comments
- Advertisement -
