فیصل آباد: سابق صدر پرویز مشرف حملہ کیس میں ملوث مجرموں کی اپیلیں مسترد کئے جانے کے بعدکسی بھی وقت مجرموں کو تختہ دار پر لٹکادیا جائےگا۔
فیصل آباد کی سینٹرل جیل میں قید نائیک نوازش علی اور لانس نائیک غلام نبی کو مشرف حملہ کیس میں ملڑی کورٹ نے سزائے موت کا حکم دے دیا، صدر مملکت کی جانب سے دونوں مجرموں کی رحم کی اپیلیں مسترد کی جاچکی ہیں، دونوں کے ڈیتھ وارنٹ جاری ہونے کے بعد سخت سیکیورٹی میں ڈسٹرکٹ جیل منتقل کردیا گیا، کسی بھی وقت ان دونوں مجرموں کو تختہ دار پر لٹکایا جاسکتا ہے۔
پشاور کی جیل میں قید مجرم نیاز کی اپیل بھی سپریم کورٹ نے مسترد کردی ہے، مجرم کو مشرف کیس میں پشاور کی عدالت نے سزائے موت کا حکم دیا تھا، اب تک چھ مجرمان کو جی ایچ کیوحملہ اور مشرف حملہ کیس میں تختہ دار پر لٹکایا جاچکا ہے۔
Comments
- Advertisement -
