لکسر: مصر کے شہر لکسر میں واقع قدیم کارنک مندر کے قریب ایک خودکش حملے میں تین حملہ آور ہلاک جبکہ تین راہگیر زخمی ہوگئے۔
غیرملکی ذرائع کے مطابق حملہ آوروں نے مندر کے باہر سکیورٹی کے لیے لگائی گئی رکاوٹوں کو عبور کرنے کی کوشش کی تو پولیس نے ان میں سے دو حملہ آوروں کو فائرنگ کرکے ہلاک کردیا جبکہ تیسرے حملہ آور نے رکاوٹوں کوعبور کرکے خود کو دھماکے سے اڑالیا۔
اس حملے کی ذمہ داری اب تک کسی تنظیم نے قبول نہیں کی۔
کارنک کا مندر مصر کے مقبول ترین سیاحتی مقامات میں سے ایک ہے، انیس سو ستانوے میں لکسر کے اسی مقام کے قریب شدت پسندوں نے حملہ کر کے ساٹھ سیاحوں کو ہلاک کیا تھا۔
Comments
- Advertisement -