کوالالمپور: ملائیشیا کی ریاست صباح میں واقع کوہِ کنابلو میں 6 ریکٹر اسکیل شدت کا زلزلہ آیا ہے جس میں متعدد افراد کے زخمی ہونے کی اطلاع ہے۔
ملائیشیا کے سرکاری خبررساں ذرائع کے مطابق زلزلے میں کئی کوہ پیما اور مقامی افراد زخمی ہوئے ہیں جو کہ لگ بھگ ساڑھے تیرہ ہزار بلند چوٹی کو سر کررہے تھے ، ذرائع کا کہنا ہے کہ پتھروں کے اپنی جگہ چھوڑنے کے سبب زخمیوں کو سنگین نوعیت کے فریکچراورسرمیں چوٹیں پیش آئیں ہیں۔
Earthquake throughout Sabah, areas affected from Tandek to Penampang. May He protects us… #PrayForSabah pic.twitter.com/mgWN1SbnV9
— Sir Arman Jebat (@MistaAimanVevo) June 5, 2015
ملائشیان کے وزیرِ سیاحت مسیدی منجون نے اپنے ٹویٹڑ پیغام میں کہا ہے کہ’’ زلزلے کی شدت سے ڈنکی ائیرنامی مشہور چوٹی بھی اپنی جگہ سلامت نہ رہ سکی‘‘۔
Donkey’s Ear reported damaged following Sabah quake. Kinabalu climbers unable to descend. @501Awani pic-Charlene DMP pic.twitter.com/OYrekuTjcv — Rizal Zulkapli AWANI (@rizalzulkapli) June 5, 2015
کوہ پیمائی کے حوالے سے ہونے والی تمام ترسرگرمیوں کوتا حکمِ ثانی روک دیا گیا ہے۔
امریکی محمکہ ارضیات کے مطابق زلزلہ مقامی وقت کے مطابق صبح 7:15 منٹ پر 10 کلومیٹر کی گہرائی میں آیا اور اس کا مرکز کوہِ کنابلو کے مشرق میں 54 کلومیٹر کے فاصلے پرواقعہ تھا۔
محکمہ موسمیات کی جانب سے کسی قسم کی سونامی وارننگ جاری نہیں کی گئی ہیں اور کسی بھی بڑے جانی نقصان کی اطلاع تا حال موصول نہیں ہوئی۔
زلزلے کے سبب کئی عمارتوں میں دراڑیں پڑگئیں اور سڑکوں کو بھی شدید نقصان پہنچا۔
ایک مقامی شخص کے مطابق زلزلے کے جھٹکے 15 سیکنڈ تک محسوس کئے گئے ہیں۔
Photos from the peak of Mount Kinabalu, as stranded climbers wait to be rescued after this morning’s earthquake. pic.twitter.com/8yoZgBXbxP
— Malay Mail Online (@themmailonline) June 5, 2015
مقامی میڈیا سے موصول ہونے والی اطلاعات کے مطابق زلزلے کے سبب متاثرہ علاقے میں خوفِ ہراس پھیل گیا اور لوگ گھروں اور عمارتوں سے باہر نکل آئے۔ سراسیمگی کے اثرات ایئرپورٹ پر بھی محسوس کئے گئے۔
سوشل میڈیا کے صارفین نے زلزلے کے بعد کی تصاویر اپ لوڈ کی ہیں جن میں سڑکوں کو نقصان، ٹوٹی ہوئی کھڑکیاں، چٹخی ہوئی دیواریں اور گھروں کے اندربکھرا ہوا سامان باآسانی دیکھا جاسکتا ہے۔
