تازہ ترین

ملا عمر زندہ اور خیریت سے ہے، افغان طالبان

کابل:افغانستانی طالبان کا سربراہ ملا عمر زندہ ہے اور موجودہ حالات کے حوالے سے اپنے لوگوں میں رابطے میں ہے۔ اس بات کا انکشاف طالبان کی جانب سے جاری کیے گئے ایک دستاویز میں کیا گیا۔

طالبان کی جانب سے یہ دستاویز ویب سائٹ پر چار زبانوں میں جاری کیا گیا ہے جس میں ایک دہائی سے روپوش ایک آنکھ والے طالبان رہنماء کی ہلاکت کی خبریں معدوم ہوگئی ہیں۔

دستاویز کے مطابق وہ اپنے ملک کی صورتحال کے حوالے سے روزانہ کی بنیادوں پر رابطے میں ہیں اور غیر ملکی صورتحال پر بھی نظر رکھتے ہیں۔

امریکی اسٹیٹ ڈیپارٹمنٹ نے ملا عمر کے سر پر 10 ملین امریکی ڈالر کا انعام رکھا ہوا ہے اور افغانستان پر 2001 میں امریکی حملے کے بعد سے عوام میں کسی نے ملا عمر کی شکل نہیں دیکھی۔

امریکی افواج کے افغانستان سے انخلاء کے بعد چند علاقوں میں طالبان دوبارہ قوت پکڑ رہے ہیں لیکن ان کی مرکزیت دم توڑ رہی ہے کیونکہ کئی کمانڈرز نے دہشت گرد تنظیم داعش کے ساتھ اتحاد قائم کرلیا ہے۔

Comments

- Advertisement -
فواد رضا
فواد رضا
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں