ملتان: ضمنی انتخاب کا میدان سج گیا، ضمنی معرکے میں چودہ امیدواروں کے درمیان کانٹے دار مقابلہ جاری ہے۔
پی پی ایک سو چھینانوے میں آج پولنگ کا عمل جاری ہے۔ ضمنی انتخا ب میں چودہ امیدواروں نے حصہ لیا ہےجبکہ ایک لاکھ اٹھتر ہزار دوسو اٹھتر ووٹرز حق رائے دہی استعمال کریں گے۔
ضمنی انتخاب میں مسلم لیگ (ن) کے رہنما رانا محمود الحسن، پاکستان تحریک انصاف کے رانا عبدالجبار اور پاکستان پیپلزپارٹی کے چودھری محمد حسین کے درمیان کانٹے دار مقابلہ جاری ہے ۔
حلقہ میں ایک سو تینتیس پولنگ اسٹیشن قائم کیے گئے ہیں جن میں سے اکتالیس پولنگ سٹیشنز کو حساس قرار دیا گیا ہے۔
چار ایس پی،اگیارہ ڈی ایس پی اور تین سو سولہ افسران سمیت تین ہزار سات سوایک افسران و اہلکار ڈیوٹی پر مامور ہیں، پی پی ایک سو چھیانوے کی نشست سابق صوبائی وزیر جیل خانہ جات عبد الوحید آرائیں کے نا اہل ہونے کے بعد خالی ہوئی تھی۔
۔
