ملکہ ایلزبتھ دوم کا ٹوئٹر پر پہلا پیغام

لندن: برطانوی شاہی خاندان بھی جدید دور کی مواصلاتی سہولتیں استعمال کرنے لگا ہے.

ملکہ ایلزبتھ دوم نے سماجی رابطے کی ویب سائٹ ٹوئٹر پر اپنا پہلا پیغام جاری کردیا۔ 88 سالہ ملکہ برطانیہ نے لندن میں ہونے والی نمائش ’’دی انفارمیشن ایج ‘‘ کا افتتاح کیا۔

اس موقع پراپنے پہلے ٹوئٹ میں ملکہ کا کہنا تھا کہ وہ خوش ہیں کہ اس جدید نمائش کا افتتاح انھوں نے کیا، انھوں نے امید ظاہرکی کہ لوگ اس نمائش کو دیکھنے آئیں گے۔

ٹوئٹ کے آخر میں ملکہ نے اپنا نام بھی درج کیا، اس پیغام کے جاری ہونے کے 45 منٹ کے بعد ہی4ہزار افراد نے اسے دوبارہ آگے بھیجا۔

Comments