تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ملک بھرمیں آج سوگ، گلگت حادثے پر قومی پرچم سرنگوں

اسلام آباد: گلگت افسوسناک حادثے پر قومی پرچم آج سر نگوں رہے گا، نلتر حادثے میں ناروے اور فلپائن کے سفیروں، دو پائلٹس ، چیف انجینئر سمیت سات افرادجاں بحق ہوئے تھے، حادثہ پر آرمی چیف راحیل شریف اور ایئر چیف مارشل سہیل امان نے دکھ اور افسوس کا اظہار کیا ہے۔

پاکستانی تاریخ کا ایک اور سانحہ ، گلگت کی وادی نلتر میں پاک فوج کا بدقسمت ایم آئی سترہ ہیلی کاپٹر دوست ممالک سفیروں کو ایک تقریب میں شرکت کیلئے لے جارہا تھا کہ کریش لینڈنگ کے دوران حادثے کا شکار ہوگیا۔

  آئی ایس پی آر کے مطابق ہیلی کاپٹر میں موجود پاک فوج کے پائلٹ میجرالتمش،کیپٹن فیصل اور چیف انجینئر نے جام شہادت نوش کیا ناروے ، فلپائن کے سفیروں کے ساتھ ملائیشیا اورانڈونیشیا کے سفیروں کی بیگمات حادثے کا شکار ہوئیں۔

  ڈی جی آئی ایس پی آر کے مطابق تین ایم آئی سترہ ہیلی کاپٹرز میں سے ایک نے وادی نلترمیں کریش لینڈنگ کی، ہیلی کاپٹر میں گیارہ غیرملکی اور چھ پاکستانی سوار تھے، حادثے میں پولینڈ اور ہالینڈ کے سفیروں سمیت تیرہ مسافر زخمی ہوئے ہیں۔

وزیراعظم نواز شریف کو بھی بطور مہمان خصوصی تقریب میں شرکت کرنا تھی، واقعے کی خبر ملتے ہی وزیر اعظم راستے سے اسلام آباد واپس لوٹ آئے ۔

Comments

- Advertisement -