اسلام آباد: ممبئی حملہ کیس میں ملوث ملزم ذکی الرحمن لکھوی کو دو روزہ جسمانی ریمانڈ پر پولیس کے حوالے کر دیا گیا ہے۔
ملزم ذکی الرحمن لکھوی پر مزید دو مقدمات قائم کرکے آج سول عدالت میں پیش کیا گیا، پولیس نے عدالت سے ملزم ذکی الرحمن کے پانچ روزہ جسمانی ریمانڈ کے لیے استدعا کی تھی۔
ملزم کے وکیل نے اپنے دلائل میں کہا کہ بھارتی دباؤ پر ذکی الرحمان لکھوی کو اغواء کے مقدمے میں ملوث کیا گیا، وکیل کا کہنا تھا کہ ہمیں بتایا گیا کہ وزارتِ داخلہ کی اجازت کے بٖغیر ذکی الرحمان کو رہا نہیں کر سکتے۔
وکیل نے بتایا کہ رہائی کاحکمنامہ جاری ہونیکے باوجود ذکی الرحمان کو رات کو ہی پولیس کے حوالے کر دیا گیا تھا۔
گذشتہ روز اسلام آباد ہائیکورٹ کے جسٹس نور الحق نے ذکی الرحمن کی درخواست پر فیصلہ سناتے ہوئے نظر بندی کا نوٹی فکیشن معطل کیا تھا۔
Comments
- Advertisement -