موغا دیشو: صومالیہ کے دارالحکومت موغا دیشو میں شدت پسندوں کے حملے میں دس افراد جاں بحق ہوگئے جبکہ پولیس نے سات حملہ آوروں کو بھی مارنے کا دعویٰ کیا ہے۔
حکام کے مطابق الشباب کے حملہ آوروں نے وزارتِ پیٹرولیم اور وزارتِ تعلیم کی عمارت پر دھاوا بول دیا، دہشت گردوں کی اندھا دھند فائرنگ کے نتیجے میں دو پولیس اہلکاروں سمیت دس افراد زندگی سے ہاتھ دھو بیٹھے۔
دہشتگردوں اور قانون نافذ کرنے والے اداروں میں کئی گھنٹوں تک مقابلہ جاری رہا۔
مقامی پولیس نے دعویٰ کیا ہے کہ فائرنگ کے تبادلے میں سات حملہ آور بھی مارے گئے۔
Comments
- Advertisement -