سردیوں کی راتوں میں کمبل میں دبک کر مونگ پھلی سے لطف اندوز ہونا تو عام سی بات ہے لیکن کیاآپ کو معلوم ہے سخت چھلکے میں قید یہ مختصر سا خشک میوہ آپ کے کتنے مسائل حل کرتا ہے۔
مونگ پھلی ایک طرف تو کیلوریز اور توانائی کا خزانہ ہے دوسری جانب یہ بغیر وزن بڑھاے کولیسٹرول میں بھی کمی کرتا ہے۔
مونگ پھلی خون میں شوگر کے تناسب کو برقرار رکھنے میں مدد دیتی ہے اور اگر آپ کی غذا میں مونگ پھلی یا اس سے بنا ہوا مکھن شامل ہے تو آپ بے فکر ہوکر میٹھی اشیاء سے مستفید ہوسکتے ہیں۔
مونگ پھلی جسم میں موجود فالتو کیلوریز کو استعمال کرلیتی ہےاور موٹاپے کو کم کرنے میں بےپناہ مفید ہے۔
مونگ پھلی وٹامن بی تھری کے خزینے سے مالامال ہے اور اس کااستعمال یادداشت کو تیزکرتا ہے اور ذہنی استعداد بڑھاتا ہے۔
مونگ پھلی غذائیت سے بھرپور ہے اور اس کا استعمال نہ صرف یہ کہ جسم کی توانائی بحال کرتا ہے بلکہ بیماریوںکے خلاف برپور قوتِ مدافعت فراہم کرتا ہے۔
