تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

میجر شبیرشریف کا تینتالیسواں یومِ شہادت آج منایا جارہا ہے

لاہور: پاک بھارت 71کی جنگ میں دشمنوں کے دانت کھٹے کرنے والے میجر شبیرشریف کا تینتالیسواں یومِ شہادت آج منایا جارہا ہے۔ آرمی چیف کی جانب سے مزار پر پھولوں کی چادر چڑھائی گئی ہے۔

دشمن کے خلاف سینہ سپر ہوکر جان کا نذرانہ پیش کرنے والے ملک کے بہادر سپوت میجرشبیرشریف شہید کا تینتالیسواں یومِ شہادت آج پورے فوجی اعزاز اورعقیدت واحترام سے منایا جارہا ہے۔

نشان حیدر پانے والے میجرشبیرشریف شہید کے لاہور میں مزار پر فرنٹیر فورس کے چاک و چوبند دستے نے سلامی دی اور اس موقع پر میجر شبیرشریف شہید کے صاحبزادے تیمورشریف اور شہید کی ہمشیرہ نے مزار پر فاتحہ خوانی بھی کی۔

شبیر شہید کی ہمشیرہ کا کہنا تھا کہ سب کو انکے بھائی کی طرح وطن کیلئے قربانی کا جذبہ بیدار رکھنا چاہیئے۔ میجرجنرل سجاد علی اورجنرل آفسیر کمانڈنگ میجرجنرل فدا حسین نے آرمی چیف کی طرف سے شہید کی قبر پر پھولوں کی چادر چڑھائی۔

انیس سو اکہترکی جنگ میں میجرشبیرشریف کی قیادت میں رجمنٹ نے سلیمانکی ہیڈورکس پردشمن کے دانت کھٹے کئے تھے۔ میجر شبیر شریف نےاس معرکے میں دشمن کے تینتالیس سپاہیوں کو ہلاک کیا اور اٹھائیس قیدی بنالئے تھے۔ انہوں نے دشمن کے چار ٹینک بھی تباہ کئے تھے۔ انھوں نے چھ د سمبر انیس سواکہتر کودشمن سے لڑتے ہوئے جامِ شہادت نوش کیا۔

میجرشبیرشہید کو تین اعلیٰ فوجی اعزاز مل چکے ہیں ان میں اعزازی شمشیر، ستارہ جرات اور پاکستان کا سب بڑا قومی اعزاز نشانِ حیدر بھی شامل ہے۔ میجرشبیرشریف میجرعزیزبھٹی شہید کے بھانجے جبکہ موجودہ آرمی چیف جنرل راحیل شریف کے بڑے بھائی ہیں۔

Comments

- Advertisement -
Abdul Rasheed
Abdul Rasheed
honda1234