نئی دہلی: بھارت کی مختلف ریاستوں میں شدید گرمی اور لو لگنے سے ہلاک ہونے والے افراد کی تعداد گیارہ سو سے تجاوز کرگئی ہے جب کہ محمکہ موسمیات نےآئندہ دو روز تک گرمی کی لہر برقرار رہنے کی پیش گوئی کی ہے۔
بھارتی میڈیا کے مطابق گرمی کی شدت سے ریاست آندھرا پردیش سب سے زیادہ متاثر ہوئی، جہاں آٹھ سو باون افراد زندگی کی بازی ہارگئے۔
آندھرا پردیش کے بعد تلنگانہ کی ریاست بھی شدید گرمی کی لپیٹ میں ہے جہاں اب تک دو سو چھیاسٹھ افراد لقمہ اجل بن چکے ہیں۔
حیدرآباد دکن میں درجہ حرارت پچاس ڈگری تک پہنچ جانے کے بعد گلیاں اور سڑکیں ویران پڑی ہیں جب کہ ریاست اڑیسہ میں گیارہ اورمغربی بنگال میں تیرہ افراد زندگی کی بازی ہار گئے۔
دوسری جانب بھارتی محکمہ موسمیات نے لوگوں کو ہدایت کی ہے کہ وہ ضرورت کے تحت ہی گھروں سے نکلیں اور اس دوران سروں کو کپڑے سے ڈھانپ کر رکھیں۔
Comments
- Advertisement -
