تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نائجیریا: بوکو حرام نے 48گھنٹوں میں 200 افراد کو ہلاک کردیا

نائیجیریا : دہشت گرد گروہ بوکوحرام نے دو روز میں 200افراد کا قتل عام کر دیا۔

نائیجیریا میں سرگرم دہشت گرد گروہ بوکوحرام نے جمعرات کو شمال مشرقی علاقے کے متعدد دیہاتوں کے گھروں اور مساجد پر حملہ کرکے تقریبا ڈیڑھ سو افراد کا قتل عام کر دیا، جن میں عورتیں اور بچے بھی شامل ہیں۔

بوکو حرام کے جنگجوؤں نے ریاست بورنو کے تین دیہات میں اندھا دھند فائرنگ کرکے ایک سو پینتالیس افراد کو ہلاک کردیا تھا، مسلح افراد نے ستانوے افراد کو صرف کوکاوا گاؤں میں ہلاک کیا ہے۔

عینی شاہدین نے بتایا ریاست بورنو کے 2 دیہات میں لوگوں پر گولیوں کی بوچھاڑ کر دی، جس سے 48 جاں بحق ہوگئے۔ قبل ازیں اس علاقے میں 100 افراد کو جنگجوئوں نے قتل کر دیا، عینی شاہدین کا کہنا ہے کہ مسلح افراد کی تعداد پچاس سے زیادہ تھی۔

گزشتہ روز ہی نائیجیریا کی شمال مشرقی ریاست بورنو میں ایک بمبار نوجوان لڑکی نے مسجد میں خود کو دھماکے سے اڑا دیا، جس کے نتیجے میں بارہ نمازی جاں بحق اور سات زخمی ہوگئے تھے، ایک گاؤں ملاری میں نماز ظہر کے وقت دھماکا کیا گیا۔

دہشت گرد گروہ بوکو حرام گذشتہ کئی برسوں سے نائیجیریا کے شمال مشرقی علاقوں کے باشندوں کا قتل عام کر رہا ہے۔

Comments

- Advertisement -