نائجیریا: شدت پسند تنظیم بوکو حرام نے ایک گاؤں پر حملہ کردیا اور فائرنگ کرکے چوبیس افراد کو قتل اور متعدد کو زخمی کردیا۔
نائجیریا میں بوکو حرام کی جانب سے قتل غارت کا سلسلہ جاری ہے جبکہ سیکیورٹی فورسز سے بچنے اور قتل عام کے لیے مختلف ہتھکنڈے استعمال کیے جارہے ہیں۔
میڈوگری کے ایک گاؤں میں شدت پسند کے کارندے تبلیغی جماعت کےاراکین کے روپ میں داخل ہوئے، مکینوں کے جمع ہونے پر اندھا دھند فائرنگ کردی اور گاؤں کے تمام گھروں کو آگ لگا دی ۔
فائرنگ کے نتیجے میں چوبیس افراد ہلاک اوردرجنوں زخمی ہوگئے۔
نائجیریا میں بوکو حرام کے خلاف کئی ممالک کا آپریشن جاری ہے۔ بوکو حرام اب تک ہزاروں افراد کو قتل اور اغواء کرچکی ہے، نائجیریا کے سابق صدر گڈلک جوناتھن چھ سالہ دور حکومت میں بوکو حرام کو کنٹرول کرنے میں ناکام رہے حالیہ الیکشن میں عوام نے بوکو حرام سے نجات کے لیے محمد بوہاری کو منتخب کیا ہے۔
