لاہور: نوکریوں کے لئے دھکے کھاتے نابینا افراد کا احتجاج چوتھے دن بھی جاری ہے، مظاہرین نے مطالبات منوانے کے لئے میٹرو ٹریک پردھرنا دے دیا۔
تفصیلات کے مطابق پنجاب حکومت کے خلاف نابینا افراد اپنے حقوق کے حصول کے لئے احتجاج پرڈٹ گئے ہیں اورانہوں نے پنجاب اسمبلی کے بعد میٹرو بس سروس ٹریک پر بھی دھرنادے دیا ہے۔
نابینا افراد کے دھرنے کے سبب لاہورشہرمیں میٹرو بس سروس معطل ہوگئی ہے، نابینا افراد کا مطالبہ ہے کہ حکومت صرف وعدے نہیں نوکریاں دے۔
حکومت کی جانب سے سی سی پی او اور ڈی سی اور لاہور نے مظاہرین سے ملاقات کی اورکسی مظاہرہ ختم کرکے کسی سرکاری دفتر میں مذاکرات کی دعوت دی۔
حکومتی نمائندوں کی جانب سے یہ بھی کہا گیا کہ مذاکرات سڑکوں پرنہیں ہوتے اگراحتجاج ختم نہیں کیا گیاتو قانون کے تحت مظاہرین کو بزورِ قوت یہاں سے ہٹایا جائے گا۔
دوسری جانب نابینا مظاہرین کا کہنا ہے وزیراعلیٰ پنجاب شہباز شریف خود انھیں ملازمتیں دینے کا اعلان کریں۔
مظاہرین نے کہا کہ اگر ہمارے مذاکرات منظور نہ کئے گئے تو ملک بھرکے نابینا افراد کو متحرک کرکے ملک گیر احتجاج اورمظاہرے کئے جائئیں گے۔
