لاہور: پی ٹی آئی کے رہنما حامد خان نے کہا ہے کہ ثابت ہوگیا کہ خواجہ سعد رفیق نے این اے ایک سو پچیس کےانتخابات چرائےجبکہ کنور دلشاد کا کہنا ہے کہ اس رپورٹ کےبعد خواجہ سعد رفیق نااہل ہو سکتے ہیں۔
دو ہزار تیرہ کے انتخابات مین نادرا کی رپورٹ پر تبصرہ کرتے ہوئے این اے ایک سو پچیس سے پی ٹی آئی کے امیدوار حامد خان نے کہا ہے کہ تحریک انصاف پہلے روز سے کہ رہی تھی کہ انتخابات مین دھاندلی ہوئی ، نادرا کی رپورٹ سے دو دھ کا دودھ پانی کاپانی ہو گیا۔
ان کا کہنا تھاکہ پی ٹی آئی کا یہ کہنا درست ثابت ہوا کہ خواجہ سعد رفیق نے الیکشن چرائے،سابق سیکریٹری الیکشن کمیشن کنور دلشاد نے اے آر وائی سے گفتگو میں کہا کہ اس رپورٹ کے بعد خواجہ سعد رفیق نااہل ہوسکے ہیں، انکا کہنا تھا کہ نادرا کی رپورٹ سے عمران خان کا مطالبہ درست ثابت ہو گیا ہے جس مین انہوں نے چار حلقے کھولنے کی بات کی تھی۔
