پنسلوانیا : ناشپاتی کا رس دار میٹھا پھل غذائی اہمیت کے لحاظ سے انتہائی افادیت کا حامل ہے کیونکہ اس پھل کا استعمال انسانی جسم میں کولیسٹرول کی مقدار کم کرنے ، جسم میں خون کی ترسیل بڑھانے میں اکسیر کا درجہ رکھتا ہے۔
ناشپاتی کا روزانہ استعمال کولیسٹرول جیسے مرض سے بچانے میں مدد گار ثابت ہوتا ہے۔
امریکا کی پنسلوانیا یونیورسٹی میں کی گئی طبی تحقیق کے مطابق ناشپاتی جسم میں کولیسٹرول کی مقدار کم کرتے ہوئے موٹاپے سے بچاتی ہے ۔
تحقیق کے مطابق ناشپاتی کے باقاعدہ استعمال سے انسانی جسم میں تیرہ اعشاریہ ایک ملی گرام تک کمی واقع ہوتی ہے جبکہ ناشپاتی کھانے سے جسم میں خون کی مقدار میں بھی اضافہ ہوتا ہے۔
ماہرین کے مطابق ناشپاتی میں وٹامن ‘سی’ اور’ کے’ کی کافی مقدار پائی جاتی ہے، اس کے علاوہ یہ حیاتین کی دیگر اقسام ٹوکو فیرول ، نیا سن ،رائبو فلیون کا بھی موثر زریعہ ہے، اسی طرح اس میں کاپر ،مینگنیز، پوٹاشیم ، فولاد ، فاسفورس بھی پائی جاتی ہے، 100گرام ناشپاتی میں تقریباً 42کیلوریز ہوتی ہیں، جو انسانی جسم کیلئے بہت مفید ہے۔
