لاہور: آڈٹ اکاؤنٹس ٹریننگ انسٹی ٹیوٹ میں زیر تربیت نبیہا چودھری کی ہلاکت کے حوالے سے ایس ایس پی انوسٹی گیشن عبدالرب کا کہنا ہےکہ نبیہا چودھری کی کچھ تحریریں ملی ہیں جن میں پٹرول کا ذکر ہے۔
کیا یہ تحریریں نبیہا نے خود لکھیں اس کے معائنے کے لیے تحریریں لیبارٹری بھجوادی ہیں،ایس ایس پی انوسٹی گیشن لاہور کے مطابق کمرے سے کسی بھی دوسرے شخص کے داخلے کا ظاہری کوئی نشان نہیں ملا، نبیہا چودھری کی لاش مردہ خانے منتقل کردی گئی۔
متوفیہ 41کامن کی آفیسر تھی، پولیس نے شواہد اکٹھے کرنے کے لئے فرانزاک لیب سے رابطہ کرلیا،متوفیہ نبیہا چوہدری کی کورس میٹ عاصمہ نے میڈیا سے گفتگو کرتے ہوئے کہا کہ نبہیا چودھری خودکشی نہیں کرسکتی،ابھی ہم سب صدمے میں ہیں، کچھ بھی کہنا قبل از وقت ہے۔
علاوہ ازیں پولیس کے مطابق نبیہا چودھری کے کمرے سے ڈائری ملی ہے، ڈائری میں عمر نامی شخص کا ذکر ہے، ڈائری کی تحریروں سے عمر نامی شخص سے مراسم کا اشارہ ملا ہے۔