اسلام آباد: بھارتی وزیراعظم نریندرمودی کے بیان پردفتر خارجہ نے بین الاقوامی برادری سےنوٹس سے لینے کا مطالبہ کردیا ۔
بھارتی وزیراعظم نریندرمودی کا قابل مذمت بیان پردفترِ خارجہ کا ردِعمل سامنے آگیا، پاکستان نے بین الاقوامی برادری سے بھارتی وزیرِاعظم مودی کے بیان کا نوٹس لینےکا مطالبہ کردیا۔
دفترِ خارجہ کے ترجمان کا کہنا ہے کہ نریندرمودی کا بنگلادیش میں بیان بھارتی منفی رویے کا عکاس ہے، بھارتی سیاستدان نے اقوام متحدہ کے قوانین کی خلاف ورزی کی۔ بھارتی حکمران دوسری ریاستوں کے معاملات میں مداخلت کرکے فخر کرتے ہیں۔
دفترِ خارجہ کا کہنا ہے کہ پاکستان بھارت سمیت ہمسائیوں کیساتھ پُرامن تعلقات چاہتا ہے، امن کی خواہش کو کمزروی نہ سمجھا جائے، پاکستان اوربنگلہ دیش نےآزادی کیلئے مل کرجدوجہد کی ۔ بھارت کی پاکستان اور بنگلہ دیش کے درمیان دشمنی کا بیچ بونے کی سازش کامیاب نہیں ہوگی۔
دفتر خارجہ کا کہنا ہے کہ بین الاقوامی برادری مشرقی پاکستان بھارتی مداخلت کا نوٹس لے۔