اسلام آباد: وزیراعظم ہاؤس کے ترجمان کے مطابق بھارتی وزیراعظم نریندرمودی نے وزیراعظم میاں محمد نوازشریف کے ساتھ ٹیلی فونک رابطہ کیا ہے۔
ترجمان کے مطابق دونوں ممالک کے رہنماؤں نے دوطرفہ باہمی دلچسپی کے امورپرگفتگو کی۔
ذرائع کا کہنا ہے کہ بھارتی وزیراعظم کی جانب سے ٹیلی فونک رابطے کے پیچھے امریکہ کاکردارہے۔
گزشتہ رات امریکی صدر باراک اوبامہ نے بھی وزیرِاعظم میاں نوازشریف کو ٹیلی فون کیا تھا جس میں خطے کے امورپربات چیت کی گئی تھی۔
ذرائع کے مطابق بھارت دوطرفہ مذاکرات کے عمل کو دوبارہ استوارکرنے پررضامند ہے۔
واضح رہے کہ پاکستان نے امریکہ کو دہشت گردی کے واقعات میں بھارت کے ملوث ہونے کے واضح ثبوت دیے گئے تھے اور امریکی صدر نے دورہ بھارت کے دوران نریندر مودی کو’آف دی ریکارڈ‘ پاکستان کے ساتھ تعلقات درست کرنے کے لئے کہا تھا۔
Comments
- Advertisement -