جدہ : وزیراعظم نوازشریف نے سعودی فرماں رواں شاہ عبداللہ بن عبدالعزیز سے جدہ میں ملاقات کی، جس میں دوطرفہ تعلقات، فلسطین اور شام سمیت خطے کی صورت حال پر تبادلہ خیال کیا، شاہ عبداللہ سے نواز شریف کی ملاقات میں انکے بیٹے حسین نواز اور وزیر خزانہ اسحٰق ڈار بھی موجود تھے۔
جدہ میں ملاقات کے دوران دونوں رہنماؤں کے درمیان دو طرفہ تعلقات ، غزہ پر اسرائیلی جارحیت ، فلسطینیوں کی شہادتوں، خطے کی صورتحال اور بین الاقوامی امور پر تبادلہ خیال کیا گیا، انہوں نے افغانستان سے امریکی فوج کے انخلاء کے بعد کی صورتحال پر بھی تبادلہ خیال کیا۔
اس موقع پر سعودی فرماں رواں شاہ عبداللہ بن عبدالعزیز نے کہا کہ پاکستان کو وہ اپنا دوسرا گھر سمجھتے ہیں، دونوں رہنماوں نے اپنے تاریخی تعلقات کو مزید مضبوط بنانے پر بھی بات کی، ملاقات کے بعد نواز شریف مدینہ منورہ روانہ ہوگئے۔
Comments
- Advertisement -
