تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

افواہیں دم توڑ گئیں، نواز شریف کو صحت کا کوئی بڑا مسئلہ لاحق نہیں، میڈیکل رپورٹ

راولپنڈی: اڈیالہ جیل میں سابق وزیر اعظم نواز شریف کے ابتدائی طبی معائنے کی رپورٹ سامنے آگئی، میڈیکل رپورٹ کے مطابق ایون فیلڈ ریفرنس کے بڑے مجرم کو صحت کا کوئی بڑا مسئلہ لاحق نہیں۔

تفصیلات کے مطابق اڈیالہ جیل میں دس سالہ قید کی مدت شروع کرنے والے سابق وزیر اعظم دسویں دن ہی بیمار پڑ گئے، ڈاکٹروں نے طبی معائنہ کر کے صحت تسلی بخش قرار دے دی۔

میڈیکل رپورٹ کے مطابق اڈیالہ جیل کے قیدی نواز شریف کو صحت کا کوئی بڑا مسئلہ لاحق نہیں ہے، طبی معائنہ پمز اسپتال کے پانچ رکنی میڈیکل بورڈ نے کیا۔

میڈیکل بورڈ نے طبی معائنے کی رپورٹ میں لکھا کہ نواز شریف کے خون اور پیشاب کے ٹیسٹ نارمل ہیں، وہ اپنی معمول کی دوائیں جاری رکھیں۔

میڈیکل بورڈ کی لکھی ہوئی رپورٹ کے مطابق نواز شریف کے خون کے مزید ٹیسٹ اور دل کی صحت کو جانچنے کے لیے ایکو کارڈیالوجی کل کی جائے گی۔

صفدر اور مریم ٹھیک ہیں، نواز شریف کیسے بیمار ہوگئے، آئی جی جیل خانہ جات

خیال رہے کہ صدرِ پاکستان ممنون حسین نے نواز شریف کے مکمل علاج کو یقینی بنانے کی ہدایت جاری کرتے ہوئے کہا ہے کہ نواز شریف کو علاج معالجے کی تمام سہولتیں فراہم کی جائیں۔

دوسری طرف آئی جی جیل خانہ جات نے اڈیالہ جیل کے قیدی کی صحت کی خرابی پر تبصرہ کرتے ہوئے کہا ہے کہ جیل میں آ کر سبھی بیمار ہو جاتے ہیں، تاہم مریم اور صفدر ٹھیک ہیں تو نواز شریف کیوں بیمار ہو گئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -