نئی دہلی:بھارت میں درندگی کی انتہا ہوگئی سولہ سالہ لڑکی کو زیادتی کا نشانہ بنانے والاسگا باپ، بھائی اورچچا بالاخر گرفتار کرلئے گئے۔
بھارتی پولییس کے مطابق تینوں مجرم اپنے ہی گھر کی عزت کو 2 سال تک لگاتار لوٹتے رہے۔
تفصیلات کے مطابق مغربی بنگال کے علاقے دھوپ گری کی رہائشی سولہ سالہ لڑکی نے انتہائی خوف کے عالم میں اپنی اسکول ٹیچر کے سامنے زیادتی کا نشانہ بننے کا اعتراف کیا جس کے بعد اسے مقامی تھانے لے جایا گیا جہاں مذکورہ افراد کے خلاف درخواست دائر کی گئی۔
پولیس کےترجمان کے ایل شرپا کے مطابق لڑکی کا کہنا ہے کہ اس کا باپ جو کہ ایک 50 سالہ دیہاتی کسان ہے کئی مرتبہ اس کے ساتھ زیادتی کا ارتکاب کرچکا ہے، اس نے الزام عائد کیا کہ اس کا چچا بھی اس کے ساتھ زیادتی کرچکا ہے جبکہ اس کا بھائی بھی اس مکروہ جرم کا مجرم ہے۔
پولیس کے مطابق لڑکی نے یہ بھی دعویٰ کیا ہے کہ وہ دو مرتبہ حاملہ ہوئی لیکن اسے اسقاطِ حمل پر مجبور کردیا گیا۔
پولیس ذرائع کے مطابق متاثرہ لڑکی کی ماں اس ساری صورتحال سے واقف تھی لیکن خاموش رہی۔ پولیس نے لڑکی کو اس کی خالہ کی تحویل میں دے دیا ہے۔
بھارت میں خواتین، کم عمری کی شادی، جہیز نا لانے پر قتل، جنسی زیادتی اور گھریلو تشدد سمیت کئی مکروہ سماجی جرائم کا شکار رہتی ہیں ماہرین کا کہنا ہے کہ ان سب واقعات کا سبب وہ قدامت پسندانہ سوچ ہے جس میں عورت کو مرد سے کمتر سمجھا جاتا ہے۔
جنوری 2014 میں بھی مغربی بنگال کے ہی ایک گاوٗں میں پنچایت کے حکم پر20 سالہ دوشیزہ کو غیر برادری کے مرد سے محبت کرنے کے جرم میں 13 افراد نے سرِعام اجتماعی زیادتی کا نشانہ بنایا تھا۔
