ماسکو: جواں سال روسی خاتون نے سیلفی کے لئے پوز لیتے ہوئے نادانستہ طورپرخود کو گولی مارکرزخمی کرلیا۔
روسی خبر رساں ذرائع کے مطابق 21 سالہ نوجوان لڑکی کو ایک 9ایم ایم بندوق ملی جو کہ دفتر کا چوکیدار غلطی سے چھوڑ گیا تھا، لڑکی نے بندوق سے اپنے سر کا نشانہ لیتے ہوئے سیلفی تصویر لینے کی ٹھانی۔
ایک ہاتھ میں بندوق تھامے اور دوسرے میں موبائل لڑکی سے غلطی سے بندوق کا گھوڑا دب گیا اور گولی بالکل قریب سے اسکی کنپٹی میں داخل ہوگئی۔
لڑکی کو انتہائی تشویشناک حالت میں ماسکو کے ایک اسپتال منتقل کیا گیا، ڈاکٹروں کے مطابق اس کی جان تاحال خطرے میں ہے۔
پولیس تفتیش سے معلوم ہوا ہے کہ سیکیورٹی گارڈ دو ہفتے قبل بندوق دفتر میں چھوڑ کر چھٹیوں پر گیا تھا اور اس واقعہ حادثاتاً پیش آیا ہے۔۔ اے ایف پی
Comments
- Advertisement -