نیویارک : ٹیلی فون پربم کی جھوٹی اطلاع پر امریکی مجسمہ آزادی کے جزیرے کوسیاحوں سےخالی کرالیاگیا، پورے جزیرے کی مکمل تلاشی کے بعد نیویارک پولیس نےعلاقے کو کلیر قرار دے دیا۔
غیر ملکی میڈیا کے مطابق محکمہ آزادی کو ٹیلی فون پر بم کی دھمکی ملنے کے بعد نیو یارک پولیس نے جزیرے سے سیاحوں کو خالی کرانے کا حکم دیا گیا، پولیس کے تربیت یافتہ کتے جب جزیرے کی تلاشی لے رہے تھے تو انھیں ایک مشتبہ پیکٹ بھی ملا لیکن اس میں بم نصب نہیں تھا۔
نیویارک پولیس کے مطابق اس معروف ترین سیاحتی مرکز میں پولیس کے ایک یونٹ نے پورے جزیرے کی تلاشی کے بعد علاقے کو کلیر قرار دے دیا ہے۔
امریکہ کا یہ مجسمہ آزادی نیویارک کے تجارتی مرکز مین ہٹن اور نیوجرسی کے درمیان ایک چھوٹے سے جزیرے پر واقع ہے۔
Comments
- Advertisement -
