نیویارک: امریکی شہر نیویارک سمیت شمال مشرقی ریاستیں شدید برفانی طوفان کی زد میں ہیں، طوفان کے باعث چودہ سو فلائٹس منسوخ کردی گئیں اور شہریوں کو گھروں میں رہنے کی ہدایت کی گئی ہے۔
غیرملکی خبررساں ایجنسی کے مطابق حفاظتی انتظامات مکمل کرکے الرٹ جاری کردیا گیا ہے، امریکا کے کئی شہروں نے برف کی چادر اوڑھ لی، امریکا کے شہر نیویارک اور شمالی مشرقی ریاستوں کو برفانی طوفان کا سامنا ہے۔
ماہرین موسمیات کا کہنا ہے کہ برفانی طوفان تاریخ کا بدترین طوفان ثابت ہوسکتا ہے۔
طوفانی ہواؤں اور برف باری نے معمولاتِ زندگی مفلوج کر کے رکھ دیئے، ایک ہزار سے زائد پروازیں منسوخ کردی گئیں اور نیویارک کے مئیر نے شہریوں کو گھروں میں رہنے کی ہدایت کی ہے، لوگوں نے کھانے پینے کی اشیاء کا ذخیرہ کرنا شروع کردیا ہے۔
طوفانی ہواؤں ،برفباری اورشدید سردی نے معمولات زندگی مفلوج کردئیے ہیں، برفباری سے ٹریفک کا نظام بھی درہم برہم ہوگیا۔
محکمہ موسمیات نے مختلف علاقوں میں چھ انچ سے ایک فٹ تک برفباری کی پیش گوئی کی ہے۔
