لاہور: واہگہ بارڈر پرخودکش حملے کے ایک روز بعد پرچم اتارنے کی تقریب ہوئی جس میں لوگوں کی بڑی تعداد نےشرکت کی۔
دہشت گردپاکستانی قوم کے حوصلے پست نہ کرسکے واہگہ بارڈر خودکش حملے کے ایک روز بعد ہی پرچم اتارنے کی پروقار تقریب ہوئی، جس میں زندہ دلان پاکستان کی بڑی تعداد نے شرکت کی۔باب آزادی پرپاکستان زندہ باد کےفلک شگاف نعروں نے ماحول کوگرمادیا۔
سرحد پرتعینات جوانوں کاحوصلہ بڑھانے کیلئےکورکمانڈر لاہور جنرل نوید زمان اور ڈی جی رینجرز نے بھی تقریب میں خصوصی طورپرشرکت کی، دونوں افسران نے پریڈ گراؤنڈ اور اطراف میں سیکیورٹی انتظامات کاجائزہ لیا اور پریڈ کے انتظامات پراطمینان کااظہارکیا، کورکمانڈر لاہور کاکہناتھادہشت گردحوصلہ پست نہیں کرسکتے، واہگہ بارڈ پرخواتین بچوں اور نوجوانوں کی بڑی تعداد نےپہنچ کرثابت کردیا کہ قوم نہ دہشت گردی مسترد کرتی ہے بلکہ ہرپاکستانی وطن پرمرمٹنے کیلئے تیارہے۔
