نیپئیر:عالمی کرکٹ ورلڈ کپ میں گروپ بی کے میچ میں پاکستان نے یو اے ای کو ایک سو انتیس رنز سے شکست دے کرورلڈ کپ میں دوسری فتح اپنے نام کرلی۔
تفصیلات کے مطابق نیپئر میں کھیلے جانے والے ورلڈ کپ کے میچ میں متحدہ عرب امارات کی ٹیم پاکستان کے تین سو گیارہ رنز کے جواب میں مقررہ پچاس اوورز میں آٹھ کھلاڑیوں کے نقصان پر دوسو دس رنز بنا سکی۔
یو اے ای کی جانب سے شیمن انورنے ایک سو چاربالزپر باسٹھ رنز اسکور کئے،دیگر کھلاڑیوں میں خرم خان نے 43، امجد جاوید چالیس اور پرکاش پٹیل نے 36 رنز بنائے۔
پاکستان کی جانب سے شاہد آفریدی نے 35 رنز دے کر دووکٹیں اور سہیل خان نے چوّن رنز دے کر دوجبکہ راحت علی اور وہاب ریاض نے ایک، ایک کھلاڑی کو پویلین کی راہ دکھائی۔مین آف دی میچ کا اعزاز احمد شہزاد کو دیا گیا، جنہوں نے پاکستان کی جانب سے سب سے زیادہ تیرانوے رنزاسکور کئے۔
اس سے قبل گرین شرٹس نے یو اے ای کو تین سو چالیس رنز کا پہاڑ جیسا ہدف دیا۔ آفریدی نے ون ڈے میں آٹھ ہزار رنز مکمل کرلئے۔
نیپئیر میں یو اے ای نے ٹاس جیت کر پہلے فیلڈنگ کا فیصلہ کیا۔ پاکستان نے آغاز میں ناصر جمشید کی وکٹ گنوائی جس کے بعد احمد شہزاد اور حارث سہیل نے ٹیم کی کمان سنبھالی۔
دونوں بیٹسمینوں نے نصف سینچریاں اسکور کیں اور ورلڈ کپ میں دوسری وکٹ کے لئے پاکستان کے لئے دوسری بڑی شراکت قائم کی۔
حارث سہیل نے ستر رنزبنائے۔ احمد شہزاد سات رنز کی کمی سے سینچری مکمل نہ کرسکے۔ کپتان مصباح الحق نے ایک بار پھر ذمہ دارانہ اننگز کھیلی اور ورلڈ کپ میں تیسری نصف سینچری بنالی۔
آفریدی نے ون ڈے میں آٹھ ہزار رنزمکمل کئے۔ پاکستان نے مقررہ پچاس اوورز میں چھ وکٹوں پر تین سو انتالیس رنزبنائے۔ یہ پاکستان کا ورلڈ کپ میں دوسرا بہترین اسکور ہے۔
