اسلام آباد: وفاقی وزیر اطلاعات پرویز رشید کہتے ہیں ملک کی سرزمین کسی دوسرے کے خلاف استعمال کرنے پر تحفظ پاکستان قانون لاگو ہوگا، وزیراعظم اپنے خرچ پر عمرے پر گئے۔ عمران خان حقائق سے بالکل بے خبر ہیں۔
وفاقی وزیر اطلاعات کے عمران خان کے خلاف بیانات تیزتر ہوتے جا رہے ہیں، وفاقی وزیراطلاعات نے اس بار عمران خان کو تنِ تنہا پرواز کی کوشش کرنے والے سے تشبیہ دیتے ہوئے کہا لانگ مارچ سے زیادہ اہم معاملہ آئی ڈی پیز کا ہے، عمران خان ہرمشکل صورتحال میں غائب ہوجاتےہیں، انہیں آواران زلزلہ متاثرین سےیکجہتی کی توفیق نہیں ہوئی، تھرمیں قحط آئےیالاہور میں ڈینگی کی وباعمران خان غائب رہے، رمضان میں اللہ کےگھرجانےکی بجائےعمران خان کرکٹ دیکھنےلندن چلےگئے۔
پرویز رشید کا کہنا تھا پرویز رشید کے بقول اسلام آباد میں سی ڈی اے کیلئے صفائی کاکام بڑھانے کے سوا کچھ نہیں ہوگا، ان کا کہنا تھا حکومت نہ کسی کے معاملات میں مداخلت کرتی ہے نہ ہی کسی دوسرے کو ایسا کرنے دے گی۔ اپنی سرزمین کسی دوسرے ملک کے خلاف استعمال ہوئی تو تحفظ پاکستان قانون لاگو ہوگا۔
