لاہور: وزیراعظم نواز شریف نے ملک میں جاری پیٹرولیم بحران دو دن کے اندر ختم کرانے کی یقین دہانی کرادی۔
انہوں نے یہ بیان جاتی امراء میں وزیراعلیٰ پنجاب شہباز شریف سے ملاقات کے دوران دیا۔
ملاقات کے دوران وزیراعظم کاکہنا تھا کہ جوکوئی بھی اس صورتحال کا ذمہ دار ہوگا اسے اس کے نتائج بھگتنا ہوں گے چاہے وہ کوئی وزیر ہی کیوں نہ ہوں۔
انہوں نے یقین دہانی کرائی کہ دو دن میں بحران کا خاتمہ کیا جائے گا۔
اس موقع پرشہباز شریف کا کہنا تھا کہ تحقیقات کرائی جائیں کہ بحران صرف پنجاب میں ہی کیوں پیدا ہوا۔
سیاسی صورتحال پرتبصرہ کرتے ہوئے دونوں رہنماؤں نےتحریک انصاف کے ساتھ تنازعات حل کرنے پر اتفاق کیا۔
دریں اثناء وزیراعظم نے وفاقی وزیرِخزانہ اسحاق ڈار کو ٹیلی فون کرکے وزیرِپیٹرولیم شاہد کاقان عباسی کے ہمراہ پیر کے روز طلب کرلیا۔
انہوں نے اسحاق ڈارکو ہدایت کی کہ پیٹرول بحران کو حل کرنے کے لئے فی الفور اقدامات کیے جائیں۔
