اسلام آباد: وزیرِاعظم نواز شریف سے پاک فضائیہ کے سربراہ ایئر چیف مارشل طاہر رفیق بٹ نے ملاقات کی۔
وزیرِاعظم ہاؤس میں ہونے والی اس ملاقات میں ملک کی موجودہ سیکیورٹی صورتحال اور پاک فضائیہ کے پیشہ ورانہ امور پر تبادلہ خیال کیا گیا، ملاقات کے دوران شمالی وزیرستان میں جاری آپریشن میں پاک فضائیہ کی خدمات سمیت اب وقت تک حاصل کئے جانے والے اہداف سے متعلق بھی گفتگو کی گئی۔
وزیرِاعظم نے کہا کہ حکومت مستقبل کے چیلنجز سے نمٹنے کی خاطر ایئر فورس کی استعداد بڑھانے کے لئے فنڈز فراہم کرتی رہے گی۔
وزیرِاعظم نے انسدادِ دہشت گردی اور انتہا پسندی کے لئے قومی ایکشن پلان پر عملدر آمد اور آپریشن ضربِ عضب میں پاک فضائیہ کے اہم کردار کو سراہا۔
وزیرِاعظم نوازشریف نے ملک کی جغرافیائی سرحدوں کے دفاع کے لیے پاک فضائیہ کی صلاحیتوں اور کاوشوں کی تعریف کی۔
Comments
- Advertisement -
