اسلام آباد: وزیرِاعظم نواز شریف کا یمن کی صورتحال پر اہم بیان دینےکا فیصلہ کرلیا ہے، وزیرِاعظم کا پالیسی بیان شام ساڑھےچھ بجے جاری ہوگا۔
سرکاری ٹی وی کے مطابق وزیرِاعظم نواز شریف یمن مسئلے اور سعودی عرب کے حوالے سے آج اہم بیان دے رہے ہیں، وزیرِاعظم نواز شریف آج شام ساڑھے چھ بجے اہم بیان جاری کریں گے۔
وزیرِاعظم کا پالیسی بیان ایسے وقت سامنے آ رہا ہے، جب سعوی عرب کے وزیربرائے مذہبی امور صالح الشیخ بن عبدالعزیز ہنگامی دورے پر پاکستان میں موجود ہیں۔
چند روز پہلے پارلیمنٹ کے مشترکہ اجلاس میں متفقہ طور پر منظور کی گئی قرارداد میں حکومت سے یمن مسئلہ میں غیرجانبدار رہنے کا کہا گیا ہے۔
جس کے بعد متحدہ عرب امارات کے وزیر ڈاکٹر قرقاش نے پاکستانی حکومت کے خلاف سخت بیان دیا، جس میں انہوں نے کہا تھا کہ سعودی عرب کی براہ راست مدد نہ کرنے کے فیصلے پر پاکستان بھاری قیمت چکانے کیلئے تیار ہو جائے۔
اب وزیراعظم نواز شریف نے یمن اور سعودی عرب کے حالات پر اہم بیان دینےکا فیصلہ کیا ہے۔
