اسلام آباد: وزیر اعظم کی زیر صدارت اعلی سطحی مشاورتی اجلاس میں ملکی سیاسی اور معاشی صورتحال پر غور کیا جا رہا ہے۔
وزیرِاعظم کی زیرِ صدارت اعلی سطحی مشاورتی اجلاس اسلام آباد میں جاری ہے، اجلاس میں وفاقی وزراء خواجہ آصف، چوہدری نثار، پرویز رشید، عبدالقادر بلوچ اسحاق ڈار سعد رفیق احسن اقبال شریک ہیں۔
ذرائع کے مطابق مشاورتی اجلاس میں عوامی تحریک کا دھرنا ختم کرانے کیلئے مشاورت کی جارہی ہے، دھرنوں کے بجائے جلسوں کے انعقاد پر قائل کرنے کیلئے رابطہ کرنے کا بھی فیصلہ کیے جانے کا امکان ہے۔
ملکی سیاسی بحران کے حل اور حکومتی امور پر بات چیت کی جائے گی۔
واضح رہے کہ اسلام آباد میں گزشتہ 2 ماہ سے جاری تحریک انصاف اور عوامی تحریک کے دھرنوں کے باعث سیاسی حلقوں کی جانب سے حکومتی کارکردگی کو تنقید کا نشانہ بنایا جارہا ہے۔
Comments
- Advertisement -
