اسلام آباد: ہیڈکوچ مصباح الحق اور کپتان اظہر علی کو پی سی بی کی اجازت کے بغیر وزیراعظم عمران خان سے ملاقات پر شوکاز نوٹس کا سامنا ہے۔
وزیراعظم عمران خان سے ملاقات میں پاکستان کرکٹ کے تین بڑے نام مصباح الحق، اظہرعلی اور محمد حفیظ ملک میں ڈیپارٹمنٹ کرکٹ کی بحالی پر قائل نہ کرسکے۔
مصباح، حفیظ اور اظہر نے ڈیپارٹمنٹ میں کھلاڑیوں کے روزگار پر وزیراعظم کو قائل کرنے کی کوشش کی مگر پی سی بی چیئرمین کو یہ بات پسند نہ آئی ۔
پاکستان ٹیلی ویژن اور پاکستان کرکٹ بورڈ کے درمیان معاہدے پر دستخط
ایم ڈی پی ٹی وی عامر منظور اور سی ای او پی سی بی وسیم خان نے دستخط کیے pic.twitter.com/yvc3iFeSNB— PTV News (@PTVNewsOfficial) September 16, 2020
ذرائع کے مطابق پی سی بی سے بغیر اجازت ملاقات کرنے پر مصباح اور اظہر کے خلاف کارروائی کا امکان ہے۔میٹنگ میں موجود محمد حفیظ سینٹرل کانٹریکٹ میں نہ ہونے کی وجہ سے بچ گئے۔
وزیراعظم عمران خان نے دو ٹوک الفاظ میں کہا ہے کہ ڈیپارٹمنٹل کرکٹ کا اسٹرکچر واپس نہیں آئے گا۔
وزیراعظم نے واضح جواب دیا کہ ڈیپارٹمنٹل کرکٹ کے اسٹرکچر واپس نہیں آئےگا، ڈیپارٹمنٹ سےکھیلنےسےکھلاڑی بہت سکون میں ہوتاہے، کھلاڑی کونوکری مل جاتی ہےتووہ اوپرجانےکی کوشش نہیں کرتا۔
